Тусламжийн төв

Ангилал үүсгэх

Ангилал гэж юу вэ?

Ангилал нь хэрэглэгч таны вэбсайтаас хүссэн бараагаа хурдан олоход тусалдаг, дэлгүүрийн админ вэбсайт дээрээ бараагаа цэгцтэй хуудаслан харуулахад зориулсан бүтэц юм.

Ангиллыг дэлгүүрийн барааны онцлогт тохируулан ерөнхий болон дэлгэрэнгүй хэлбэрээр үүсгэх хэрэгцээ гарч болдог.

Жишээ нь: Зөвхөн костьюм, пиджак зардаг дэлгүүр “Гоёлын дан костьюм” “Гоёлын дан пиджак” “Хослол” “Чөлөөт пиджак”

гэх мэт дэлгэрэнгүй ангилах хэрэгцээ гардаг бол олон төрлийн хувцас зардаг дэлгүүр “Костьюм, пиджак” гэдэг ангилалыг задлахгүйгээр “Эрэгтэй хувцас” ангилалд оруулдаг.

Ангилалын хэрэглээ

Үүсгэсэн ангилал бүр дэлгүүрийн вэбсайтад тухайн ангилалд орсон бараануудыг багтаасан хуудас болон үүснэ. Хэрэглэгч барааны жагсаалт хуудсанд ангиллаар фильтер хийж хүссэн бараагаа хялбар олох боломжийг олгоно.

Дэлгүүрийн админ вэбсайтаа бүтээхдээ цэс, зургийн товч, баннерын товч зэрэг хэрэглэгч дарж болох контентын холбоосуудтай ангиллаа холбож ашиглана.   

Ангилал үүсгэх алхам

  • Маркетшоп админ цонхноос Бараа > Ангилал хуудас руу орно.
  • Ангилал хуудасны Нэмэх товчийг дарна.
  • Анх ангилал үүсгэж байгаа үед “Үндсэн ангилал”-г хоосон орхино. Анхны ангилал үүсгэсний дараа доош задрах байдлаар ангилал үүсгэх үед дэд ангилал үүсгэх үед “Үндсэн ангилал”-ийг сонгоно.
  • Ангиллын нэр, тайлбарыг бичиж хадгалах товч дарна. Ангиллын тайлбарыг дэлгүүрийн админ дотоод хэрэгцээнд зориулан бичиж болно.

Системийн ангилал

Энэ нь вэбсайтын ангиллаа хялбар үүсгэхэд туслах зорилготой маркетшоп платформын үүсгэсэн ангилал юм. Дэлгүүрийн админ үүнээс сонгон ашиглаж болно.

! Анхаарах зүйлс:

Энэхүү ангиллыг зохиосноор худалдааны вэбсайтуудын толгой хэсэгт нийтлэг байдаг ангилал цэс үүснэ гэсэн үг биш юм.

Вэбсайтын толгой хэсгийн цэс үүсгэх зааврыг “Цэс үүсгэх” заавраас үзнэ үү. 

Бичлэгэн заавар үзэх

Дараагийн алхам > Бараа оруулах