Маркетшоп системд дэлгүүрийнхээ бодит салбарууд, төв болон туслах агуулахуудыг тус бүрд нь үүсгэж, салбар бүрийн барааны үлдэгдэл, захиалга, кассын борлуулалт болон хүргэлтийг салган удирдахад энэ цэсийг ашиглана.

Түлхүүр үг: салбар нэмэх, агуулах үүсгэх, салбарын тохиргоо, салбар удирдах, салбарын хаяг, агуулахын бүртгэл

Салбар болон Агуулахын хэрэглээ

• Үндсэн ба туслах салбар: Дэлгүүрийн бодит байршлуудыг бүртгэн, тухайн салбараас кассын борлуулалт хийх болон захиалга олгох.

• Агуулах: Бараа бэлтгэх, татан авалт авах болон салбарууд руу бараа шилжүүлэх нэгдсэн байршил болгон ашиглах.

• Салбар хоорондын хөдөлгөөн: Салбар, агуулах бүр дээрх барааны үлдэгдлийг тусад нь хянаж, хооронд нь шилжүүлэг хийх боломж бүрдэнэ.

Алхам

1. Шинэ салбар / Агуулах нэмэх

1. Маркетшоп админ цонхноос Дэлгүүрийн тохиргоо > Салбар цэс рүү орно.

2. Хуудасны баруун дээд хэсэгт байрлах + Салбар нэмэх товчийг дарна.

3. Салбарын нэр: Салбар эсвэл агуулахын нэрийг оруулна (жишээ нь: Төв салбар, Зайсан салбар, Үндсэн агуулах).

4. Холбогдох утас & Имэйл: Тухайн салбарын холбоо барих утасны дугаар болон имэйл хаягийг бичнэ.

5. Хаяг & Байршил: Салбарын дэлгэрэнгүй хаяг болон газар зүйн байршлыг тохируулна.

6. Хадгалах товчийг дарснаар шинэ салбар/агуулах системд бүртгэгдэнэ.

2. Салбарын мэдээлэл засах ба Ebarimt холбох

• Жагсаалтаас шаардлагатай салбарынхаа ард байрлах Засах товчийг дарж хаяг, утасны мэдээллийг шинэчилж болно.

• Жагсаалтын салбаруудад Ebarimt тусдаа холбож болно.

Үр дүн

Үүсгэсэн салбарууд Захиалга үүсгэх, Барааны үлдэгдэл, Татан авалт, Шилжүүлэг болон Тооллого хийх цэсүүдэд сонголт болон харагдаж, агуулахын бүртгэл цэгцтэй хянагдана.

Холбоотой: Дэлгүүрээ удирдах · Барааны үлдэгдэл · Шилжүүлэг · Татан авалт · Дэлгүүрийн тохиргоо