Тусламжийн төв

Толгой хэсэг тохируулах

Вэбсайтын толгой (header) хэсэг нь Дээд, Дунд, Доод гэсэн 3 хэсгээс бүрдэх бөгөөд хэсэг тус бүр нь дотроо Урд, Дунд, Хойд гэсэн 3 баганад хуваагдана. Вэбсайтын дээд навигаци, лого, хайлт, цэс болон сагсны дүрсүүдийг байршуулан тохируулахад ашиглана.

Түлхүүр үг: толгой хэсэг тохируулах, хэдэр засах, header, сайтын дээд хэсэг, лого байршуулах, цэс тохируулах, хайлт нэмэх

Бүтэц ба хуваарилалт

  • Үндсэн хэсгүүд: Дээд, Дунд, Доод

  • Баганы хуваарилалт: Урд, Дунд, Хойд

Алхам

  1. Маркетшоп админ цонхноос Дэлгүүрийн вэбсайт > Загварууд > Сайтын загвар засах цэс рүү орно.

  2. Вэбсайтын дээд хэсэг буюу Толгой хэсэг дээр дарна.

  3. Дээд, Дунд, Доод хэсгүүдээс сонгож, баруун талын Хэсгийн тохиргоо баганаас холбогдох тохиргоонуудыг хийнэ.

  4. Дээд хэсэгт байрлах Хадгалах товчийг дарна.

🎥 Бичлэг заавар:

Ерөнхий тохиргоонууд

Дээд, Дунд, Доод хэсэг тус бүрт хийгдэх ерөнхий тохиргоо:

  • 2 тийшээ тулгах: Сонгосон текст эсвэл айконы байршлыг тухайн баганад хоёр тийш нь тулгаж тааруулна.

  • Зөвхөн нүүр хуудсанд харуулах: On болгоход бүх хуудсанд харагдана. Off болгоход зөвхөн нүүр хуудсанд харагдаж, бусад хуудас руу шилжихэд нуугдана.

  • Түгжих: On болгосноор хуудасны мэдээллийг доош гүйлгэхэд вэбсайтын толгой хэсэг дэлгэцийн дээд хэсэгт хөдөлгөөнгүй түгжигдэнэ.

  • Дээш скролдоход харуулах: Түгжих сонголт Off үед идэвхжих бөгөөд дэлгэцийг дээш гүйлгэх үед толгой хэсэг цухуйж харагдахыг тохируулна.

  • Хүрээ: Суурь өнгө болон хүрээний хуваалтыг тохируулна.

Баганы контентын төрлүүд

Урд, Дунд, Хойд багануудад оруулж болох элементүүд:

  • Цэс: Цэс тохируулах хэсэгт үүсгэсэн цэсүүдийг сонгож, үсгийн фонт, зэрэгцүүлэлт, зайг тохируулна.

  • Лого: Логоны зургийг оруулж, өндөр болон зэрэгцүүлэлтийг тохируулна.

  • Хайлт: Хайлтын цонхны өндөр, хүрээ, дэвсгэр өнгийг тохируулж, хайлтыг айкон эсвэл текстээр харуулахаар сонгоно.

  • Айконууд: Хайлт, хэрэглэгчийн профайл, сагсыг илэрхийлэх дүрснүүдийг сонгон байршуулна.

  • Текст: Хүссэн текстээ бичиж хэмжээг тохируулна.

Удирдлагын товчлуурууд

Хэсгийг идэвхжүүлэхэд баруун дээд буланд харагдах команд:

  • Дээшээ сум: Тухайн хэсгийн байршлыг дээш зөөнө.

  • Доошоо сум: Тухайн хэсгийн байршлыг доош зөөнө.

  • Нүдний дүрс: Тухайн хэсгийг түр харуулахгүй нууна.

  • Хогийн сав: Тухайн хэсгийг устгана.

Холбоотой: Вэбсайтын дизайн засах · Цэс өөрчлөх · Лого оруулах