Татан авалт

Маркетшоп системд нийлүүлэгчээс бараа шинээр хүлээн авах, агуулах болон салбаруудад татан авалтын орлого бүртгэх, барааны өртөг болон тоо хэмжээг хянахад энэ цэсийг ашиглана.

Түлхүүр үг: барааны татан авалт, татан авалт хийх, нийлүүлэгчийн орлого, орлого авах, агуулахын орлого, барааны өртөг

Алхам

1. Шинэ татан авалт үүсгэх

1. Маркетшоп админ цонхноос Бараа > Татан авалт цэс рүү орно.

2. Баруун дээд буланд байрлах + Татан авалт үүсгэх товчийг дарна.

3. Бараа нэмэх: Татан авалтаар ирж буй бараануудыг сонгож, ирсэн тоо ширхэг болон нэгж худалдан авалтын өртөг үнийг оруулна.

4. Хадгалах: Мэдээллийг шалгаад Хадгалах товчийг дарж татан авалтын захиалга үүсгэнэ.

5. Баталгаажуулах: Барааг ирсний дараа барааны тоо ширхэг болон бүрэн бүтэн байдлыг шалгаж хүлээн авна. Баталгаажуулахын өмнө салбараа сонгон баталгаажуулснаар тухайн сонгосон салбарын үлдэгдэл автоматаар шинэчлэгдэнэ. 

2. Татан авалтын жагсаалт шүүх ба хайх

• Салбараар шүүх: Зүүн дээд хэсгээс салбараа сонгож тухайн салбарт хийгдсэн татан авалтуудыг харна.

• Огнооны интервал: Татан авалт хийгдсэн эхлэх болон дуусах огноогоор заан шүүнэ.

• Хайлт: Татан авалтын дугаар эсвэл нийлүүлэгчийн нэрээр хайлт хийнэ.

🎥 Бичлэг заавар:

Жагсаалтын багануудын тайлбар

• Дугаар & Огноо: Системээс үүсгэсэн татан авалтын дугаар болон хийгдсэн огноо, цаг.

• Нийлүүлэгч: Бараа нийлүүлсэн байгууллагын нэр.

• Салбар: Орлого авсан салбар эсвэл агуулахын нэр.

• Барааны тоо: Татан авалтаар ирсэн нийт барааны тоо ширхэг.

• Нийт нийлүүлсэн нийт дүнгээр: Татан авалтын нийт өртөг дүн.

• Төлөв: Татан авалтын явцын төлөв (Баталгаажсан, Хүлээгдэж буй, Цуцлагдсан).

Үр дүн

Татан авалт хийгдсэнээр сонгосон салбар дээрх барааны бодит үлдэгдэл шууд нэмэгдэж, санхүүгийн болон татан авалтын тайланд автоматаар тусгагдана.

Холбоотой: Бараа · Нийлүүлэгч · Барааны үлдэгдэл · Барааны жагсаалт