Тусламжийн төв

Үндсэн хуудас тохируулах

Таны вэбсайтын загвар засах ажлын талбарын хамгийн дээд талд Нүүр хуудас гэсэн бичигтэй товч байх бөгөөд түүний ард талын сумыг дарахад дэлгүүрийн үндсэн хуудаснууд харагдана. Эдгээр хуудсыг устгах, нэмэх боломжгүй бөгөөд тухайн хуудаснууд дээрх дизайны тохиргоог хийж болно.

Түлхүүр үг: үндсэн хуудас тохируулах, хуудас солих, барааны хуудас, сагсны хуудас, нийтлэл, нүүр хуудас засах, вэбсайт бүтээгч

Сонгох боломжтой хуудаснууд

Нүүр хуудас, Бүтээгдэхүүний жагсаалт, Бүтээгдэхүүн, Нийтлэлийн жагсаалт, Нийтлэл, Нэвтрэх, Бүртгүүлэх, Нууц үг сэргээх, Мэдэгдэл, Сагс, Бусад.

Алхам

  1. Маркетшоп админ цонхноос Дэлгүүрийн вэбсайт > Загварууд > Сайтын загвар засах цэс рүү орно.

  2. Вэбсайт бүтээгчийн дээд хэсэгт байрлах хуудас сонгох цэс дээр дарж, засахыг хүссэн хуудсаа сонгоно.

  3. Сонгосон хуудасныхаа блокууд болон хэсгүүдийн тохиргоог өөрийн хүссэнээр өөрчилж тохируулна.

  4. Дээд хэсэгт байрлах Хадгалах товчийг дарна.

🎥 Зурган тайлбар: Navigation багана, Ажлын талбар, Хэсгийн тохиргоо гэсэн үндсэн 3 хэсгээс бүрдэнэ.

Үндсэн хуудаснуудын дэлгэрэнгүй тайлбар

1. Нүүр хуудас

Таны үүсгэж буй дэлгүүрийн домайн хаягаар үйлчлүүлэгч зочлох үед харагдах үндсэн хуудас. Хэрэглэгчийнхээ сегментэд тохирсон дүр төрх, өнгөний сонголттой, цэсүүдийг ойлгомжтой бүтээснээр борлуулалтыг нэмэгдүүлнэ.

2. Бүтээгдэхүүний жагсаалт

Вэбсайтын бараа, бүтээгдэхүүний жагсаалт болон хөл хэсэг харагдах хуудас. Энэ тохиргоо нь нүүр хуудасны бараатай блок болон хайлтын илэрц дэх барааны жагсаалтуудад нэгэн ижил үйлчилнэ.

  • Тохиргоо: Барааны харагдах байдлыг тохируулна.

  • Текстийн өнгө, хэмжээ: Барааны нэр, ангилал, үнэ, хямдарсан үнийн өнгө, фонт, тодруулгыг тохируулна.

  • Хямдралын шошго: Хямдралыг хувиар эсвэл текстээр харуулах, байршил, хүрээ, дэвсгэр өнгийг тохируулна.

  • Картын тохиргоо: Барааны мэдээлэл харагдах талбарын дэвсгэр өнгө, дотор зай, хүрээний зузаан, өнгийг тохируулна.

  • Жишээ ангилал: Харагдацыг төсөөлөхөд зориулж өмнө үүсгэсэн коллекцоос сонгож харна.

3. Бүтээгдэхүүн (Дэлгэрэнгүй)

Бараа тус бүрийн зураг болон холбогдох мэдээллийг хэрэглэгчид харуулах хуудас.

  • Хуудасны бүтэц: Барааны үндсэн болон нэмэлт детапь зургуудын байршлыг тохируулна.

  • Картын тохиргоо, текстийн өнгө, хэмжээ: Барааны өнгө, үнэ, тоо, үлдэгдэл, ангиллын фонт, хүрээг тохируулна.

  • Сагсанд хийх товч: “Худалдаж авах” товчны текст, өнгө, хүрээ, байршлыг тохируулна.

  • Нэмэлт мэдээлэл: Борлуулах үлдэгдэл, SKU код, нийлүүлэгч, сошиалд хуваалцах хэсгийг харуулах эсэхийг сонгоно.

  • Санал болгох бараанууд: Төстэй бараануудыг санал болгон харуулахыг идэвхжүүлнэ.

  • Сэтгэгдэл: Хэрэглэгчийн сэтгэгдэл үлдээх хэсгийн текст, өнгө, хүрээг тохируулна.

  • Жишээ бараа: Тохиргоо хийх явцдаа бодитоор сонгож харах барааг тохируулна.

4. Нийтлэлийн жагсаалт

Бизнесийн мэдээлэл, заавар, контент маркетингийн нийтлэлүүдийн жагсаалтыг харуулна.

  • Тохиргоо: 2 ба түүнээс дээш баганаар харуулах, нэг хуудсанд харагдах тоо, дээд талд баннер байршуулах эсэхийг сонгоно.

  • Картын тохиргоо: Нийтлэлийн картын хүрээ, өнцөг, дэвсгэр өнгө, зайг тохируулна.

  • Хуудаслалтын тохиргоо ба сум: Хуудасны дугаарлалт болон урагш/хойш шилжих сумны өнгийг тохируулна.

  • Баннер ба Ангилал: Нийтлэлийн дээд баннер зураг болон ангиллын текстийн өнгийг тохируулна.

5. Нийтлэл (Дэлгэрэнгүй)

Нэг нийтлэлийг унших дэлгэрэнгүй хуудасны харагдах хэлбэрийг тохируулна. (Нийтлэлийн агуулга, зургийг Админ цонхны Нийтлэл > Нийтлэл нэмэх хэсгээс оруулна).

6. Нэвтрэх, Бүртгүүлэх, Нууц үг сэргээх

Эдгээр 3 хэсэг нь тогтсон загвартай бөгөөд цонхны харагдах хэлбэр, дэвсгэр өнгө, текстийн харагдах байдлыг тохируулна.

7. Мэдэгдэл

Хэрэглэгчид харагдах мэдэгдлийн гарчиг, мессежний текстийн хэмжээ, цонхны дэвсгэр өнгө, хүрээг тохируулна.

8. Сагс

Худалдан авахаар сонгосон барааны жагсаалт, үнэ, тоо хэмжээг харуулах хуудас.

  • Сагсны тохиргоо: Төстэй бараа санал болгох болон бараа буцаалтын журмыг харуулах эсэхийг тохируулна.

  • Товчны тохиргоо: Худалдаж авах товчны текст, өнгө, хүрээ, байршлыг тохируулна.

9. Бусад (Хайлт ба шүүлтүүр)

Хайлтын үр дүнг харуулах цонхны тохиргоо.

  • Хайлтын тохиргоо ба Шүүлтүүр: Хайлтын хайрцагны байрлал, өндөр, айкон болон олон нөхцөлт шүүлтүүрийг тохируулна.

  • Үр дүн ба Хуудаслалт: Хайлтын үр дүнгийн баганы тоо, хуудаслалтын дугаар болон сумны өнгийг тохируулна.

  • Цэсний хайх товч: Хайлтын айкон дээр дарахад хайлтын хуудас руу шилжих эсэхийг тохируулна.

Холбоотой: Вэбсайтын дизайн засах · Үндсэн хэсэг тохируулах · Нэмэлт хуудаснууд