Коллекц

Маркетшоп системд дэлгүүрийнхээ бараануудыг бүлэглэн Коллекц үүсгэх боломжтой. Үүсгэсэн коллекц бүр дэлгүүрийн вэбсайтад тухайн коллекцод орсон бараануудыг жагсаасан тусдаа хуудас болон үүснэ.

Түлхүүр үг: барааны коллекц, коллекц үүсгэх, коллекцод бараа нэмэх, бараа бүлэглэх, онцлох бараа, багц бараа

Коллекцийн жишээ болон хэрэглээ

Коллекцийн жишээнүүд

• Эрэгтэй хувцас, эмэгтэй хувцас

• Улирлаар бүлэглэх (Өвлийн коллекц, Намрын коллекц)

• Онцгой хямдрал, Хар баасан гариг (Black Friday)

• Бүтээгдэхүүний төрлөөр бүлэглэх (Цамц, Гутал)

! Анхаарах: Ангилалаас ялгаатай нь жишээ нь “Эмэгтэй цамц” ангилалд зөвхөн эмэгтэй хувцас хамаарах бол “Намрын коллекц”-од эрэгтэй, эмэгтэй, хүүхдийн бүх төрлийн намрын хувцас нэг дор багтах боломжтой.

Вэбсайт дээр ашиглах

• Вэбсайтын цэс, жагсаалт, товчуудад коллекцыг холбон хэрэглэгчийг хөтлөх.

• Блок-уудыг ашиглан коллекцын зураг эсвэл коллекц дахь барааны жагсаалтыг харуулсан вэбсайтын Хэсэг үүсгэж хэрэглэгчид харуулах.

Алхам

1. Шинэ коллекц үүсгэх

1. Маркетшоп админ цонхноос Бараа > Коллекц цэс рүү орно.

2. Баруун дээд хэсэгт байрлах + Нэмэх товчийг дарна.

3. Коллекцийн нэр, зориулалт, тайлбар болон зургийг оруулна.

4. Хадгалах товчийг дарна.

2. Коллекцод бараа нэмэх (2 аргаар)

• 1-р арга (Коллекц цэснээс): Админ цонхны Бараа > Коллекц хуудас руу нэвтрэн үүсгэсэн коллекцынхоо нэр дээр дарна. Доод талын бараа хэсгээс шаардлагатай бараагаа сонгон Нэмэх товчийг дарна.

• 2-р арга (Бараа засах цонхноос): Шинээр бараа оруулах үед эсвэл Бараа > Барааны жагсаалт-аас Засах товч даран барааны цонхонд нэвтэрч, баруун талын баганад байрлах Барааны коллекц хэсгээс тухайн коллекцийг сонгож хадгална.

🎥 Бичлэг заавар:

Үр дүн

Сонгосон бараанууд нэгдсэн нэг коллекцод багтаж, вэбсайтын цэс болон баннер, блокуудад шууд байршуулан хэрэглэгчдэд харуулах боломжтой болно.

Холбоотой: Бараа · Барааны ангилал · Бараа оруулах · Цэс өөрчлөх