Ангилал үүсгэх

Маркетшоп системийн Барааны ангилал цэс нь дэлгүүрийн бараа бүтээгдэхүүнийг төрөлжүүлэн ангилах, цуглуулга үүсгэх болон вэбсайтын цэс, шүүлтүүрт харуулах бүтцийг бэлтгэхэд ашиглагдана.

Түлхүүр үг: барааны ангилал, ангилал үүсгэх, дэд ангилал, үндсэн ангилал, ангилал тохируулах, бараа ангилах

Алхам

1. Шинэ ангилал үүсгэх

1. Маркетшоп админ цонхноос Бараа > Ангилал цэс рүү орно.

2. Хуудасны баруун дээд хэсэгт байрлах + Нэмэх товчийг дарна.

3. Ангилалын нэр: Ангилалын нэрийг оруулна.

4. Үндсэн ангилал:

   • Анх удаа бие даасан ангилал үүсгэж байгаа бол энэ хэсгийг хоосон орхино.

   • Өөр нэг ангилалын дотор орох Дэд ангилал үүсгэх гэж байгаа бол хамаарах Үндсэн ангилалаа сонгож өгнө.

5. Тайлбар: Ангилалын тайлбарыг бичнэ (Дэлгүүрийн админ дотоод хэрэгцээндээ зориулж бичих ба заавал бичих шаардлагагүй).

6. Хадгалах товчийг дарж ангилалыг үүсгэнэ.

🎥 Бичлэг заавар:

Ангилалын хэрэглээ ба чухал санамж

• Вэбсайттай холбох: Үүсгэсэн ангилал бүр вэбсайт дээр тухайн ангилалд орсон бараануудыг багтаасан тусдаа хуудас болон үүснэ.

• Цэс болон баннерт тохируулах: Ангилалаа вэбсайтын толгой цэс, зургийн товч болон баннерын холбоосуудтай холбож ашиглана.

• Шүүлтүүр (Filter): Хэрэглэгч барааны жагсаалт хуудсанд ангиллаар шүүж, хүссэн бараагаа хялбар олоход тусална.

Ангилал үүсгэснээр вэбсайтын толгой хэсгийн цэс шууд автомат үүсэхгүй. Ангилалаа үүсгэсний дараа Цэс өөрчлөх зааврын дагуу сайтын цэсэнд холбож өгнө.

Холбоотой: Бараа · Бараа оруулах · Коллекц · Цэс өөрчлөх