Ибаримт холбох

Маркетшоп системд НӨАТ-ын ИБаримт (eBarimt) системийг холбож, вэбсайт болон кассаар хийгдсэн борлуулалтын цахим баримтыг хувь хүн болон байгууллагад автоматаар эсвэл гараар олгох тохиргоог энэ цэсээр хийнэ.

Түлхүүр үг: ибаримт холбох, ebarimt тохиргоо, НӨАТ-ын баримт, НӨАТ суутгагч, байгууллагын баримт, хувь хүний баримт, баримт хэвлэх

Хэрэглээний төрөл

• Хувь хүний баримт: Хэрэглэгчийн утасны дугаар болон сугалааны дугаарт үндэслэн баримт үүсгэх.

• Байгууллагын баримт: Худалдан авагч байгууллагын регистрийн дугаарыг оруулан байгууллага дээр баримт шивж олгох.

Алхам

И-Баримтын мэдээлэл холбох ба тохируулах

1. 1. [Харилцагч] И-Баримтын хүсэлт илгээх

   1. admin.market.shop цонх руу нэвтэрч Дэлгүүрийн тохиргоо > И-Баримт цэс рүү орно.

   2. Өөрийн байгууллага/иргэний Татвар Төлөгчийн Дугаар (ТТД) болон шаардлагатай мэдээллийг оруулж хүсэлтээ илгээнэ.

   2. [Маркетшоп] Мерчантаар бүртгэх

   1. Маркетшоп тусламжийн баг operator.ebarimt.mn систем рүү нэвтэрнэ.

   2. Харилцагчаас ирүүлсэн Татвар Төлөгчийн Дугаарыг (ТТД) ашиглан И-Баримтын системд мерчантаар нэмэх хүсэлтийг үүсгэнэ.

   3. [Харилцагч] Мерчантын хүсэлт зөвшөөрөх

   1. Харилцагч тал e-invoice.ebarimt.mn систем рүү өөрийн эрхээр нэвтэрнэ.

   2. Маркетшопоос ирсэн Мерчантаар нэмэх хүсэлт-ийг шалган Зөвшөөрөх товчийг дарж баталгаажуулна.

   4. [Маркетшоп] Мерчант баталгаажуулах

   1. Ирсэн мерчантын мэдээллийг шалган эцсийн байдлаар Баталгаажуулна.

   5. [Харилцагч] Салбарт мерчант холбох ба тохируулах

   1. Харилцагч admin.market.shop цонхонд буцаж нэвтэрнэ.

   2. Баталгаажсан мерчанаа өөрийн дэлгүүрийн салбар тус бүрт тохируулан холбоно.

   Үр дүн

   Татварын ерөнхий газрын eBarimt системтэй холболт бүрэн хийгдэж, салбар бүрийн борлуулалтад НӨАТ-ын цахим баримт автоматаар болон гараар олгогдох боломжтой болно.

   Холбоотой: Дэлгүүрийн тохиргоо · Ибаримт холбох · Кассын борлуулалт · Салбар (Агуулах)