Админы нууц үг солих

Маркетшоп системийн админ цонхонд нэвтрэх нууц үгээ одоогийн профайл хэсгээс шинэчлэн өөрчлөх болон нууц үгээ мартсан үед бүртгэлтэй утсаар сэргээн засахад энэ цэсийг ашиглана.

Түлхүүр үг: админы нууц үг солих, нууц үг мартсан, нууц үг сэргээх, админ нэвтрэх, профайл засах, нууц үгийн шалгуур

Нууц үгэнд тавигдах шаардлага

Шинээр зохиох нууц үг нь аюулгүй байдлыг хангах үүднээс дараах шалгуурыг заавал хангасан байна:

• Хамгийн багадаа 8 болон түүнээс дээш тэмдэгттэй байх

• Дор хаяж 1 том үсэг агуулсан байх

• Дор хаяж 1 тоо агуулсан байх

• Дор хаяж 1 тусгай тэмдэгт агуулсан байх (!.,@#$%^&*)

Алхам

1. Одоогийн нууц үгээ солих (Системд нэвтэрсэн үед)

1. Маркетшоп админ цонхны баруун дээд хэсэгт байрлах хэрэглэгчийн дүрс дээр дарж Профайл цэс рүү орно.

2. Хуудсыг доош гүйлгэж Нэвтэрсэн төхөөрөмж хэсгийн баруун талд байрлах Нууц үг солих товчийг дарна.

3. Одоогийн нууц үг болон шаардлага хангасан шинэ нууц үгээ оруулан хадгална.

2. Нууц үгээ мартсан үед сэргээх (Системд нэвтэрч чадахгүй үед)

1. Админ цонхны нэвтрэх хэсэгт байрлах Нууц үг мартсан? товчлуурыг дарна.

2. Өөрийн бүртгэлтэй утасны дугаар эсвэл имэйл хаягаа оруулаад Код авах товчийг дарна.

3. Утас эсвэл имэйлд ирсэн баталгаажуулах кодыг оруулна.

4. Дэлгэцэн дээр гарах талбарт дээрх шаардлагыг хангасан Шинэ нууц үг-ээ хоёр удаа дараалан оруулж Нууц үгээ шинэчлэх товчийг дарна.

Үр дүн

Админ цонхны нууц үг амжилттай шинэчлэгдэж, та шинэ нууц үгээрээ систем рүү аюулгүй нэвтрэх боломжтой болно.

Холбоотой: Дэлгүүрийн тохиргоо · Дэлгүүрийн ажилтан · Ерөнхий мэдээлэл · Мэдэгдлийн тохиргоо