Тусламжийн төв

Бараа оруулах

Вэбсайтдаа шинэ бараа оруулж, худалдаанд гаргахад ашиглана.

Түлхүүр үг: бараа оруулах, бүтээгдэхүүн нэмэх, шинэ бараа, бараа бүртгэх

Шаардлага: Ангилал үүсгэсэн байх (Ангилал үүсгэх)

Алхам

  1. Маркетшоп админ цонхноос Бараа > Барааны жагсаалт хуудас руу орно.
  2. Бараа нэмэх товчийг дарна.
  3. Барааны нэр, нэмэлт мэдээлэл, хайлтын үг, үнэ, зураг зэрэг шаардлагатай мэдээллүүдийг оруулна.
  4. Хадгалах товч дарна.

🎥 Бичлэг заавар:

Үр дүн

Бараа вэбсайт дээр шууд харагдаж, хэрэглэгчид худалдан авалт хийхэд бэлэн болно.

Талбаруудын тайлбар

  • Барааны нэр – Дэлгэрэнгүй хуудас ба жагсаалтад харагдах гол мэдээллийг агуулсан нэр.
  • Нэмэлт мэдээлэл – Хэрэглэгчийн худалдан авах шийдвэрт туслах дэлгэрэнгүй тайлбар.
  • Хайлтын үг – Хэрэглэгчийн хайж болох үгс, алдаатай болон латин галиг (Gutal, maihan г.м). Таслал шаардлагагүй, зай аваад бичнэ.
  • Зураг, бичлэг – Барааг бүрэн илэрхийлэх медиа файл. Зургийг хувилбартай холбож өгнө.
  • Хувилбарууд – Өнгө, хэмжээ, загварын сонголттой бол “Тийм” гэж сонгон хувилбаруудыг үүсгэнэ.
  • Үнэ – Барааны худалдаж буй үндсэн үнэ.
  • Хямдрах үнэ – Хямдарсан үед бөглөх ба үндсэн үнэтэй харьцуулан харуулна.
  • Өртөг үнэ – Борлуулсан бүтээгдэхүүний өртөг.
  • Барааны код – Дотоод хэрэгцээний код (системээс автоматаар эсвэл өөрчилж бичнэ).
  • Хувилбарын код (SKU) – Дахин давтагдахгүй, үлдэгдэл удирдахад зориулсан код.
  • Баркод – ПОС системтэй холбоход ашиглах үйлдвэрийн эсвэл шинэ код.
  • Үлдэгдэл дууссан ч худалдана – Системийн үлдэгдэл 0 болсон ч захиалга авах тохиргоо.
  • Хүргэлтийн мэдээлэл – Жин, хэмжих нэгж (хүргэлтийн компани холбоход ашиглана).
  • Барааны төлөв – Ноорог (харагдахгүй), Идэвхтэй (борлуулахад бэлэн), Идэвхгүй (харагдахгүй).

Анхаарах

  • Анхны үлдэгдэл: Анхны үлдэгдлийг зөвхөн нэг удаа оруулна. Цаашид үлдэгдэл нэмэхийг Татан авалт функцээр хийнэ.
  • Үйлдвэрлэгчийн тайлбар: Албан ёсны борлуулагч байсан ч үйлдвэрлэгчийн тайлбарыг шууд хуулж болохгүй (SEO хайлтын системд өртөхөд сөргөөр нөлөөлнө).

Түгээмэл асуудал

Бараа вэбсайт дээр харагдахгүй байна?

Барааны төлөв Ноорог эсвэл Идэвхгүй байгаа эсэхийг шалгаж, Идэвхтэй болгон өөрчилнө.

Холбоотой: Үлдэгдэл оруулах · Ангилал үүсгэх