Үндсэн хэсэг тохируулах

Вэбсайтын дизайныг хэрэглэгчдэд ойлгомжтой байдлаар харуулах зорилгоор бараа, бүтээгдэхүүн болон бусад шаардлагатай мэдээллийг харуулах, бүртгэх хэсгүүдийг блок ашиглан бүтээнэ.

Түлхүүр үг: үндсэн хэсэг тохируулах, блок нэмэх, блокуудын хэрэглээ, нүүр хуудас засах, вэб бүтээгч

Бэлтгэл ажил

Вэб сайтаа блокуудад хуваан угсрахын тулд та дараах зүйлсийг бэлтгэсэн байвал вэб сайтаа угсрахад илүү хялбар бөгөөд хурдан байх болно:

• Вэбсайтынхаа дизайныг ерөнхийд нь төсөөлөн төлөвлөсөн байх

• Шаардлагатай зургууд болон текстээр мэдээллийг бэлтгэсэн байх

Блок нэмэх алхам

1. Маркетшоп админ цонхноос Дэлгүүрийн вэбсайт > Загварууд > Сайтын загвар засах цэс рүү орно.

2. Вэб бүтээгчийн Үндсэн хэсэг > Хэсэг нэмэх цэсийг сонгоно.

3. Тухайн хэсгийг хэдэн баганатайг багануудын төрлөөс сонголтоо хийгээд Блок нэмэх товчийг дарна.

4. Жагсаалтаас өөрийн хэрэгцээт блокийг сонгон тохируулж хадгална.

🎥 Бичлэг заавар:

Блокуудын төрөл ба хэрэглээ

1. Баннер – Том хэмжээтэй зураг ашиглан бүтээгдэхүүн, үйлчилгээгээ онцлон харуулахад ашиглана. Олон баннер оруулах боломжтой.

2. Текст – Дурын бичвэр оруулан хэлбэржүүлж мэдээлэл харуулахад ашиглана. Бүх хэсэгт (толгой, үндсэн, хөл хэсэг, нэмэлт хуудас) ашиглаж болно.

3. Зураг – Дээр нь текст, товч байрлуулах боломжтой 1 зургаар бүтээгдэхүүн үйлчилгээгээ харуулна.

4. Зураг + Текст – Хажуудаа текстэн тайлбар, товч агуулсан зургаар мэдээлэл харуулна.

5. Галлерэй – Олон зургийг мөр, багануудад байршуулан харуулж, зураг тус бүрт холбоос оруулна.

6. Галлерэй 2 – Олон зургийг 5 төрлийн бүтцээс сонгон байршуулна.

7. Урсдаг галлерэй – Хажуу тийшээ урсган харуулах олон зургийг мөр, багануудад байршуулна.

8. Урсдаг галлерэй (бараатай) – Нэг коллекцийн бараануудыг хажуу тийшээ урсган харуулахад ашиглана.

9. Онцлох коллекц – Нэг коллекцийг бараагаар нь мөр, багануудад хуваан харуулна.

10. Коллекцууд – Олон коллекцийг коллекцийн зургаар жагсаан харуулна.

11. Онцлох коллекцүүд – Олон коллекцийг бараа болон коллекцийн зураг хослуулан жагсаана.

12. Бичлэг – Видео бичлэг оруулахад ашиглана.

13. Сэтгэгдэл – Хэрэглэгчийн сэтгэгдлээр үйлчилгээнийхээ давуу талыг харуулна.

14. Блог – Вэбсайтад байршуулсан нийтлэлээс нүүр хуудсанд онцлон харуулна.

15. Жагсаалт – Холбоос бүхий текстэн жагсаалт үүсгэнэ. (Жишээ нь: Хөл хэсгийн меню)

16. Лого жагсаалт – Брэндүүд болон харилцагч байгууллагын логог жагсаан харуулна.

17. Цахим холбоос – Бизнесийн цахим хуудсаа вэбсайт дээрээ холбоос болгон байршуулна.

18. Мэйл бүртгэх – Хэрэглэгчийн имэйл хаягийг цуглуулж бүртгэхэд ашиглана.

19. Товч – Холбоос бүхий товч байршуулахад ашиглана.

Холбоотой: Вэбсайтын дизайн засах · Хэсгийн тохиргоо · Блокийн тохиргоо · Толгой хэсэг тохируулах