Худалдааны вэбсайт яагаад таны бизнест зайлшгүй хэрэгтэй вэ?
Өнөөдөр хэрэглэгчдийн худалдан авалт хийх зуршил улам бүр онлайн орчин руу шилжиж байна. Facebook, Instagram хуудсаар дамжуулан бараа бүтээгдэхүүн борлуулдаг бизнесүүд олон ч өөрийн гэсэн худалдааны вэбсайттай болох нь дараагийн түвшний өсөлт, тогтвортой байдлыг авчрах алхам юм. Энэ удаагийн блогоор 5 гол шалтгааныг онцлон хүргэж байна.
- Хэзээ ч, хаанаас ч борлуулалт хийх боломж
Таны вэбсайт 24/7 ажиллана. Үйлчлүүлэгч өглөө эрт, оройтсон цагаар, бүр амралтын өдөр ч таны бүтээгдэхүүнийг үзэж, шууд захиалга өгөх боломжтой. Та өөрөө ажиллахгүй байсан ч борлуулалт хийгдэж байж болно.
- Маркетингийн үр дүнг шууд борлуулалтад хөрвүүлнэ
Facebook эсвэл Instagram дээр хийсэн сурталчилгаа таны вэбсайт руу хөтөлж, тухайн хэрэглэгчийг шууд худалдан авагч болгох боломжийг олгоно. Хуудас дээр зүгээр лайк дараад өнгөрөх биш, захиалга өгтөл нь хүргэх боломжтой болно.
- Мэргэжлийн, итгэл төрүүлсэн брэндийн төрх бүрдэнэ
Хэрэглэгч таны вэбсайтаар ормогц:
- Бүтээгдэхүүний зураг, тайлбар, үнэ
- Хөнгөлөлт, шинэ барааны мэдээлэл
- Захиалга өгөх энгийн алхмуудыг нэг дороос олж харна.
Энэ нь хэрэглэгчийн итгэлийг нэмэгдүүлж, шийдвэр гаргалтыг хөнгөвчилнө.
- Захиалгын удирдлага автоматжина
Та цаасаар тэмдэглэж, эсвэл мессенжерт бичсэн захиалгыг хянахаа болино.
Вэбсайтаар орсон захиалга бүр системд бүртгэгдэж,
- Захиалгын түүх
- Нөөцийн хяналт
- Хүргэлтийн төлөв
зэргийг цэгцтэй, хялбар удирдах боломжтой болно.
- Бизнесээ тэлэх шинэ гарц
Вэбсайттай болсноор та зөвхөн Улаанбаатар хотын төдийгүй орон нутгийн зах зээлд ч нээлттэй болно. Цахим орчинд хил хязгаар гэж үгүй.
Дүгнэлт:
Худалдааны вэбсайт бол зүгээр нэг цахим хуудас биш.
Таны бизнесийг мэргэжлийн түвшинд гаргах, борлуулалтаа өсгөх, хэрэглэгчийн итгэлийг олж авах хамгийн үр дүнтэй хэрэгсэл юм.
Хэрэв та вэбсайттай болохыг хүсдэг ч хэрхэн эхлэхээ мэдэхгүй байвал бид танд туслахад бэлэн байна.
Marketshop платформоор дамжуулан та өөрийн вэбсайтыг хялбархан үүсгэж, захиалга, хүргэлт, төлбөрийн процессыг бүхэлд нь удирдах боломжтой.