Худалдааны вэбсайт хийхэд ямар зардал гарах вэ?
2025-01-15 10:32

Худалдааны вэбсайт хийхэд ямар зардал гарах вэ?

Худалдааны вэбсайтын зардал олон хүчин зүйлээс хамаардаг бөгөөд энэ нийтлэлд бид үндсэн зардлуудыг танилцуулж байна.

 

  1. Домэйн нэрийн зардал

Домэйн нэр бол таны вэбсайтын цахим хаяг юм (жишээ нь: www.taniiweb.mn). Домэйн нэрийн үнэ дараах хүчин зүйлсээс хамаарна:

  • Төрөл: “.com”, “.mn”, “.org” гэх мэт өргөтгөлүүдийн үнэ өөр өөр байдаг.
  • Сунгалтын зардал: Домэйнийг жил бүр сунгах шаардлагатай.

Жишээ үнэ:

Өртгөтгөл Үнэ (₮/Жилд) Эх сурвалж
.mn 165000₮ Датаком
.com 43000₮ Датаком
.net 60000₮ Мобинет
.org 50500₮ Мобинет
.biz 110000₮ Мобинет
.info 132000₮ Датаком
.tv 220000₮ Датаком

Таны сонгосон домэйн нэрийн өргөтгөл, бүртгэгч байгууллагаас хамааран үнэ өөрчлөгдөж болох тул албан ёсны вэбсайтуудаас хамгийн сүүлийн үеийн мэдээллийг авахыг зөвлөж байна.

 

  1. Хостингийн зардал

Вэбсайтаа ажиллуулахын тулд онлайнд байршуулах хостинг үйлчилгээ шаардлагатай. Хостинг нь багагүй зардалтай тул өөрийн вэбсайтын төрөл, шаардлагаас хамааран зөв сонголт хийх шаардлагатай байдаг.

Хостингийн төрөл:

  • Shared Hosting: Нэг сервер дээр олон вэбсайт хамтран байрлах хэлбэр юм. Жижиг дунд хэмжээний вэбсайтуудад илүү тохиромжой. Бусдаас хямд байдаг.
  • VPS (Virtual Private Server): Нэг сервер дээр виртуал технологи ашиглан тохиргоо хийж бие даасан орчин үүсгэн байршуулах юм. Илүү их хяналт, уян хатан байдал шаардлагатай хэрэглэгчид тохиромжтой. Илүү найдвартай, дунд түвшний үнэтэй.
  • Dedicated Hosting: Энэ нь бүхэл бүтэн серверийг зөвхөн өөрийн хэрэгцээнд зориулан түрээслэх үйлчилгээ. Томоохон төслүүдэд тохиромжтой. Өндөр үнэтэй ч серверээ дангаараа ашигладаг.

Жишээ үнэ:

  • Shared Hosting: Жилийн 150,000₮-с дээш
  • VPS: Жилийн 480,000₮-с дээш
  • Dedicated Hosting: Сарын 290,000 -с дээш

Эдгээр үнүүд нь серверийн RAM, HARD, CPU-ийн хүчин чадлаас хамаараад харилцан адилгүй.

 

  1. Вэбсайтын хөгжүүлэлтийн зардал

Энэ зардал таны вэбсайтыг хэрхэн бүтээхээс, мөн вэбсайтын цар хүрээ, агуулгаас хамаарна:

  • Захиалгаар хөгжүүлэх: Шинээр код бичих замаар бүтээдэг.
  • Бэлэн платформ ашиглах: Marketshop, WooCommerce, Wix гэх мэт вэбсайт бүтээгчтэй платформуудыг ашиглах

Жишээ үнэ:

  • Захиалгаар хөгжүүлэх: 2,500,000₮ – 35,000,000₮+.
  • Бэлэн платформ ашиглах: 59,000₮ – 299,000₮ сард.

 

  1. Вэбсайтын дизайн

Дизайны зардал мөн адил 2 зүйлээс хамаараад харилцан адилгүй.

  • Захиалгаар дизайн хийлгэх: Мэргэжлийн график дизайнер эсвэл компаниар хийлгэх нь уян хатан, зардалтай.
  • Бэлэн загвар ашиглах: Хямд бөгөөд хурдан, зарим тохиолдолд үнэгүй, загварт баригдана.

Жишээ үнэ:

  • Захиалгат дизайн: 1,500,000₮ – 17,000,000₮+.
  • Бэлэн загвар: 170,000₮ – 200,000₮, үнэгүй энгийн загварууд ч байдаг.

Вэбсайт хөгжүүлэх ажлыг гүйцэтгэдэг хувь хүн, байгууллагууд ихэвчлэн вэбсайтын дизайн, хөгжүүлэлтийн ажлыг хамтад нь гүйцэтгэдэг, үнийн саналыг багцлан хамтад нь гаргаж өгдөг.

Вэбсайт хөгжүүлэхдээ вэбсайтын хэмжээ, агуулга, цар хүрээнээс хамаараад бэлэн загвар ашиглан хөгжүүлэх эсвэл дизайныг шинээр зурж хөгжүүлэх байдлаар хийдэг.  

 

  1. Нэмэлт зардлууд

Худалдааны вэбсайтууд онлайн төлбөрийн систем, хэрэглэгчийн бүртгэл, бүтээгдэхүүний удирдлагын функц зэрэг нэмэлт шийдлүүдийг шаарддаг. Эдгээрийн зардал платформ тус бүрээс хамаарна.

Жишээ нэмэлтүүдийн үнэ:

  • Онлайн төлбөрийн систем: 1%+ (гүйлгээ бүрээс). Үүнд: хэрэглэгч төлбөрөө хялбар төлөх шийдэлтэй, төлбөрийг автоматаар шалгаж захиалгыг баталгаажуулах зэрэг автоматжуулах боломжыг олгодог Qpay болон бусад төлбөрийн хэрэгслүүд
  • Нэмэлт функцүүд: 500,000₮ – 3,500,000₮+ (нэг удаагийн).

 

  1. Үйлчилгээ, нэмэлт хөгжүүлэлтийн зардал

Вэбсайтын тасралтгүй ажиллагааг хангахын тулд арчилгааны зардал гардаг.

Жишээ үнэ:

  • Вэбсайтын цар хүрээ, агуулгаас хамааран харилцан адилгүй. Анх бүтсэн нийт зардлын 5-20%-тай тэнцүү зардал сар бүр гарна. Ж нь: 10,000,000₮ зардлаар вэбсайт хийлгэсэн бол 500,000 – 2,000,000₮ гэсэн үг.

 

ДҮГНЭЛТ

Худалдааны вэбсайтыг хөгжүүлэх зардал 2,500,000₮-аас эхлээд 30,000,000₮+ хүртэл харилцан адилгүй байдаг. Үргэлжлүүлэн домэйны сунгалт, хостинг, үйлчилгээ, нэмэлт хөгжүүлэлтийн зардал, төлбөрийн хэрэгслийн шимтгэлийн зардлууд сар бүр гарна.

Таны вэбсайтын агууулга, хэрэгцээнээс хамааран хямд, энгийн шийдлээс эхлээд өндөр чанартай, олон функцтэй вэбсайтыг өөр өөр зардлаар бүтээнэ. Тиймээс төсвөө зөв тодорхойлж, шаардлагатай функц, шийдлүүдээ урьдчилан төлөвлөөрэй.