Вэбсайт бүтээгч платформ гэдэг нь интернет дэлгүүрээ код бичихгүйгээр өөрөө бүтээх боломжийг олгодог хэрэгсэл юм. Өөрөөр хэлбэл бэлэн загваруудаас сонгон ашиглах эсвэл вэбсайтын хэсгүүдийг амархан сонгох болон зураг, контентоо ашиглах боломжтой платформ юм. Та өөрийн бүтээгдэхүүнүүдээ дэлгүүрт оруулж, төлбөрийн системээ тохируулахад хангалттай.

 

Яагаад амархан байдаг вэ?

Ийм төрлийн платформууд үүсэхээс өмнө вэбсайт хийхийн тулд программист эсвэл вэб хөгжүүлэгч компаниудтай хамтран ажиллах шаардлагатай байсан. Харин вэбсайт бүтээгч платформ ашигласнаар ингэх шаардлагагүй. Танд зөвхөн загвар сонгох, бүтээгдэхүүнүүдээ оруулах, төлбөр хүлээн авах системээ тохируулах л хэрэгтэй.

 

Тухайн платформын гол давуу талууд:

• Код бичих шаардлагагүй: Кодны мэдлэггүй хүмүүс ч хэрэглэх боломжтой.
• Загваруудыг өөрчлөх боломжтой: Эдгээр платформууд нь олон төрлийн загваруудыг санал болгодог бөгөөд таны бизнест тохирох хамгийн сайн загварыг сонгох боломжтой.
• Дэлгүүрээ хялбархан удирдах: Бүтээгдэхүүнээ оруулах, үнийн өөрчлөлт хийх, захиалга хянах, хэрэглэгчидтэйгээ харилцахад хялбар.
• Хямд төсөр: Вэб хөгжүүлэгчид болон программистуудтай гэрээ хийхээс илүү хямд.

 

Олон улсад үйл ажиллагаа явуулдаг Shopify, Wix, Bigcommerce зэрэг олон платформ байдаг. Монголд эдгээр вэбсайтыг ашиглан вэбсайтаа хийхэд зарим хэсэг дээрээ хэлний сонголтын асуудал үүсэхээс гадна Монгол төлбөрийн хэрэгсэл холбох боломжгүй байгаа нь сул талтай.

Маркетшоп платформ үүнийг шийдсэн худалдааны вэбсайт өөрөө бүтээх, онлайн дэлгүүрээ удирдах боломжтой, төлбөрийн хэрэгслүүд холбогдсон Монгол платформ юм.

Эдгээр платформууд нь техникийн мэдлэггүй бизнес эрхлэгчдэд зориулагдсан тул зөвхөн бизнесээ удирдах, бүтээгдэхүүнээ борлуулахад анхаарах боломжийг олгодог.